[Flash 9 is required to listen to audio.]
– باب الخلق (125 plays)

hilalchouman:

إللي بيعلا بيعلي
وقولة القلوب عند بعضها واصلة السما بأرضها
وبني آدم سلاح نفسه وصاحب رأي
وقبل الناس ما تكتر
السنين كانت كتيرة
افرش حصيرة
وخلي البساط أحمدي
الليل بساط
يا مصادفني من آخر السكة
قرب من النا حيه دي 
ماليش خيال 
إلا ان رميتني بنور هادي 
ورميت عليا السلام
في مرة طالع من حسن لاكبر على باب الخلق
بين مغربية وعشا
لقيت القمر في وشي كبير وقريب
تطلع عيونك سلم سطوح بيت
على حد الدراع
من هنا القلعة ومن هنا العتبة
والقمر لون الحنان الصيفي
والماضي الصُغير
زي اللي خجلان شوية من بهجته وحسنه
وعلى مذهب شارع محمد علي
التورمايات قاطعه الخليج
بجرس يجري
والقمر ميال لكل الدنيا
مالي الدنيا 
فوق العباسية ولبعد
في نفس اليوم 
على مزلقان الجيزة الزيتون
على نخل 
لبلاد تقول نجع
وبلاد تقول كومومقـَبل كريح غيطان 
واقف على كل محطات السكة الحديد
واســــكندرية
في باب الخلق 
إتملى القرطاس بفول أخضر
رَمـِت عليا السلام
الســــــــــــلام
نورت يا ولدي
Fouad Haddad 
3 months ago  Notes (5)
  1. sleepingwillow reblogged this from hilalchouman
  2. fattouch reblogged this from hilalchouman
  3. hilalchouman posted this